Broysknar krokettir við seyðarhøvdi

Hita oljuna í einari grýtu til umleið 160 stig. Um tú eigur frituru, brúka so hana. Minst til at hava grýtulokið beint við, um eldur skuldi komið í oljuna, og far ikki burtur frá grýtuni, meðan tú matger.

Pilka kjøtið av seyðarhøvdinum í smærri bitar og morla eplini – elt saman við kjøtinum. Smakka til við salti og pipari.

Ger blandið til kúlur og vend síðan kúlunum fyrst í mjøli, so í eggi og so í pankoraspi. Endurtak eina ferð aftrat við eggi og pankoraspi.

Fritera síðan kúlurnar í oljuni, til tær eru broysknar og ljósabrúnar.

Hav eitt fat klárt við eitt sindur av køkspappíri á og legg kúlurnar at dryppa av, meðan tær kólna eitt sindur.

Hakka leyk, agurku, kapers, grasleyk og persillu.

Blanda alt tilfarið saman í einari skál.

Borðreið krokettirnar við urtadyppi.