Salat við seyðarhøvdi

Kóka seyðarhøvdini og pilka kjøtið av.

Hakka spískkálið grovt og steik tað á einari pannu í eitt sindur av olivinolju. Set til síðis.

Steik síðan kjøtið og set til síðis.

Sker sitrónina í flísar og grilla á pannuni.

Vaska skvassjina og sker langar dálar av við til dømis einum eplaflysara. Tú skalt brúka 8 dálar.

Legg spískkálið í eina skál, legg síðan kjøtið omaná og vend so skvassj, tomatir, leyk og dild saman og legg omaná.

Stroy krutonir á.

Legg sitrónina saman við salatinum.