Smørstokt nýru við bakaðum tomatum

Reinsa nýruni og tak hvítu sinuna burtur.

Sker nýruni í helvt og legg tey í kalt vatn við eitt sindur av salti ella mjólk fyri at fáa ein mildari smakk. Lat liggja í umleið 30 minuttir.

Hita smør á eini pannu við miðal hita. Hakka leyk og hvítleyk og steik á pannuni.

Legg nýruni á pannuna og steik alt við høgum hita í 3 minuttir. Tey skulu vera lætt rosa í miðjuni, ella blíva tey seig.

Krydda við salti, pipari og eitt sindur av sinnopi.

Stoyt madeira á pannuna og flambera tað. Um tú ikki hevur hug til tað, so kanst tú lata tað kóka næstan burtur.

Stoyt síðan róma á pannuna.

Smørrista breyðið á eini pannu.

Tendra ovnin á 180 stig.

Sker tomatirnar í helvt, legg tær í eina skál, hakka leykin og blanda hann saman við tomatunum.

Koyr síðan olju, balsamiko, salt og pipar omaná.

Legg alt í eitt fat og baka í ovninum í umleið 20 minuttir, til tomatirnar eru bleytar.

Legg breyðið á ein tallerk, legg nýruni við sós omaná, síðan tomatirnar og drússa við timiani og eitt sindur av sitrónskali.